[3] เหตุยา เอกํ, อารมฺมเณ นว, อธิปติยา นว…เป.… อวิคเต ตีณิฯ (ปญฺหาวารมฺปิ วิตฺถาเรตพฺพํฯ)

2. อกุสลปทํ

1-7. ปฏิจฺจวาราทิ

[4] เหตุํ อกุสลํ ธมฺมํ ปฏิจฺจ นเหตุ นอกุสโล ธมฺโม อุปฺปชฺชติ เหตุปจฺจยาฯ (1)

นเหตุํ อกุสลํ ธมฺมํ ปฏิจฺจ นเหตุ นอกุสโล ธมฺโม อุปฺปชฺชติ เหตุปจฺจยาฯ (1)

เหตุํ อกุสลญฺจ นเหตุํ อกุสลญฺจ ธมฺมํ ปฏิจฺจ นเหตุ นอกุสโล ธมฺโม อุปฺปชฺชติ เหตุปจฺจยาฯ (1) (สํขิตฺตํฯ) เหตุยา ตีณิ, อธิปติยา ตีณิ…เป.… อวิคเต ตีณิฯ

(สหชาตวารมฺปิ…เป.… นิสฺสยวารมฺปิ ปฏิจฺจวารสทิสํฯ)

[5] เหตุ อกุสโล ธมฺโม นเหตุสฺส นอกุสลสฺส ธมฺมสฺส เหตุปจฺจเยน ปจฺจโยฯ (1)

เหตุ อกุสโล ธมฺโม นเหตุสฺส นอกุสลสฺส ธมฺมสฺส อารมฺมณปจฺจเยน ปจฺจโย… ตีณิฯ

นเหตุ อกุสโล ธมฺโม นนเหตุสฺส นอกุสลสฺส ธมฺมสฺส อารมฺมณปจฺจเยน ปจฺจโย… ตีณิฯ

เหตุ อกุสโล จ นเหตุ อกุสโล จ ธมฺมา นเหตุสฺส นอกุสลสฺส ธมฺมสฺส อารมฺมณปจฺจเยน ปจฺจโย… ตีณิฯ (สํขิตฺตํฯ)

[6] เหตุยา เอกํ, อารมฺมเณ นว, อธิปติยา เอกํ…เป.… อวิคเต ตีณิฯ

3. อพฺยากตปทํ

3. ปจฺจยวาโร

[7] นเหตุํ อพฺยากตํ ธมฺมํ ปจฺจยา นนเหตุ นอพฺยากโต ธมฺโม อุปฺปชฺชติ เหตุปจฺจยา… เหตุยา ตีณิฯ (นิสฺสยวารมฺปิ…เป.… ปญฺหาวารมฺปิ วิตฺถาเรตพฺพํฯ)

1-2. เหตุทุก-เวทนาตฺติกํ

[8] เหตุํ สุขาย เวทนาย สมฺปยุตฺตํ ธมฺมํ ปฏิจฺจ นเหตุ นสุขาย เวทนาย สมฺปยุตฺโต ธมฺโม อุปฺปชฺชติ เหตุปจฺจยาฯ (1)

นเหตุํ สุขาย เวทนาย สมฺปยุตฺตํ ธมฺมํ ปฏิจฺจ นเหตุ นสุขาย เวทนาย สมฺปยุตฺโต ธมฺโม อุปฺปชฺชติ เหตุปจฺจยาฯ (1)

เหตุํ สุขาย เวทนาย สมฺปยุตฺตญฺจ นเหตุํ สุขาย เวทนาย สมฺปยุตฺตญฺจ ธมฺมํ ปฏิจฺจ นเหตุ นสุขาย เวทนาย สมฺปยุตฺโต ธมฺโม อุปฺปชฺชติ เหตุปจฺจยาฯ (1) (สํขิตฺตํฯ) เหตุยา ตีณิ, อารมฺมเณ ตีณิ…เป.… อวิคเต ตีณิฯ

(สหชาตวารมฺปิ…เป.… ปญฺหาวารมฺปิ วิตฺถาเรตพฺพํฯ)

[9] เหตุํ ทุกฺขาย เวทนาย สมฺปยุตฺตํ ธมฺมํ ปฏิจฺจ นเหตุ นทุกฺขาย เวทนาย สมฺปยุตฺโต ธมฺโม อุปฺปชฺชติ เหตุปจฺจยาฯ (สํขิตฺตํฯ) เหตุยา ตีณิฯ (สพฺพตฺถ วิตฺถาโรฯ)

[10] เหตุํ อทุกฺขมสุขาย เวทนาย สมฺปยุตฺตํ ธมฺมํ ปฏิจฺจ นเหตุ นอทุกฺขมสุขาย เวทนาย สมฺปยุตฺโต ธมฺโม อุปฺปชฺชติ เหตุปจฺจยาฯ (สํขิตฺตํฯ) เหตุยา ตีณิฯ (สพฺพตฺถ วิตฺถาโรฯ)

1-3. เหตุทุก-วิปากตฺติกํ

[11] เหตุํ วิปากํ ธมฺมํ ปฏิจฺจ นเหตุ นวิปาโก ธมฺโม อุปฺปชฺชติ เหตุปจฺจยา… เหตุยา ตีณิฯ

เหตุํ วิปากธมฺมธมฺมํ ปฏิจฺจ นเหตุ นวิปากธมฺมธมฺโม อุปฺปชฺชติ เหตุปจฺจยา… เหตุยา ตีณิฯ

นเหตุํ เนววิปากนวิปากธมฺมธมฺมํ ปฏิจฺจ นนเหตุ นเนววิปากนวิปากธมฺมธมฺโม อุปฺปชฺชติ เหตุปจฺจยา… เหตุยา ตีณิฯ

1-4. เหตุทุก-อุปาทินฺนตฺติกํ

[12] เหตุํ อุปาทินฺนุปาทานิยํ ธมฺมํ ปฏิจฺจ นเหตุ นอุปาทินฺนุปาทานิโย ธมฺโม อุปฺปชฺชติ เหตุปจฺจยา… เหตุยา ตีณิฯ